ხვალ, 8 აგვისტოს, რუსეთ-საქართველოს ომში დაღუპულების ხსოვნას პრემიერ-მინისტრი ნიკა გილაური პატივს გორში მიაგებს. როგორც "ჯი-ეიჩ-ენს" პრემიერის პრესსამსახურის უფროსმა ნიკო მჭედლიშვილმა განუცხადა, გილაური გორში 12:00 საათზე ჩავა, ხოლო 12:30 აგვისტოს ომში დაღუპულთა მემორიალს გვირგვინით შეამკობს.
გორში 8 აგვისტოს რიგი ღონისძიების დაგეგმილი. 09:00 საათზე, გორის საკათედრო ტაძრში წირვა აღევლინება. 12:00 საათზე კი გორისციხესთან არსებულ ქართველ მებრძოლთა მემორიალთან ომში დაღუპულთა სულების მოსახსენიებლად პანაშვიდი ჩატარდება.
12:30 იგეგმება მემორიალის შემკობა გვირგვინებით. 13:00 საათზე კი ახალგაზრდები გორის ციხის გარშემო ერთიანობის სიმბოლოდ ცოცხალ ჯაჭვს გააბამენ.
