თარიღი    დრო

ბრალდების მხარის მიერ წარმოდგენილი ექსპერტიზის დასკვნა კიდევ უფრო მეტ ბუნდოვანებას აჩენს - ტარიელ კაკაბაძე

საქართველო, თბილისი - 17:11 04.26.2018 465

„ექსპერტიზის დასკვნა, რომელიც ბრალდების მხარემ წარმოადგინა, არათუ, ჭეშმარიტებს ადგენს, კიდევ უფრო მეტ ბუნდოვანებას აჩენს მოცემულ სისხლის სამართლის საქმეზე. ექსპერტიზის დასკვნაში საერთოდ არ არის მითითებული, თუ რომელი დანით, რომელი ჭრილობა იქნა მიყენებული. მითითებული არ არის, საქმეში არსებული დანებით იქნა ჭრილობები მიყენებული, თუ სხვა დანებით. მითითებული არაა, მთლიანად თუ რამდენი დანა იქნა გამოყენებული.

თუ სასამართლოს არ ექნება მტკიცებულება, რამდენმა დანამ და ვინ, რა ჭრილობა მიაყენა, მათ შორის, სასიკვდილო ჭრილობა, სასამართლო უბრალოდ ვერ დაადგენს, ვინ მოკლა ეს ადამიანი, ვისი ქმედებაა მიზეზობრივ კავშირში დამდგარ შედეგთან, გარდაცვალებასთან“, - განაცხადა ჟურნალისტებთან პროცესის შემდეგ, ხორავას ქუჩაზე მომხდარი მკვლელობის საქმეზე ერთ-ერთი ბრალდებულის ადვოკატმა, ტარიელ კაკაბაძემ.

ადვოკატები ალტერნატიული ექსპერტიზის ჩასატარებლად, დღეს საქართველოში ბრიტანელ ექსპერტებს ელოდებიან.  

„იმისთვის, რომ ჭეშმარიტება დადგინდეს, დაცვის მხარეს კომპლექსური ექსპერტიზა გვაქვს დანიშნული. დღეს სღამოს, ბრიტანელი ექსპერტები ჩამოდიან საქართველოში, სავარუდოდ, მედიის წარმომადგენლებსაც გექნებათ შესაძლებლობა, მათ მოცემულ საქმესთან ადკავშირებით კითხვები დაუსვათ“, - აცხადებს კაკაბაძე.

რაც შეეხება ფარულ ჩანაწერს, როგორც ადვოკატი განმარტავს, ჩანაწერში გაჟღერებული ინფორმაცია ბრალდების მხარის მოწმეთა მიერ მიცემულ ჩვენებებს არ ემთხვევა.   

„შემიძლია გითხრათ, რომ ფარულ ჩანაწერებში არსებული ინფორმაცია საერთოდ არ ემთხვევა ბრალდების მხარის მოწმეთა მიერ სასამართლოსთვის მიცემულ ინფორმაციას. ფარულ ჩანაწერში საუბარია, როგორ დაიწყო და გაგრძელდა ჩხუბი ხორავას ქუჩაზე. ამ დეტალებთან დაკავშირებით, მოწმეებმა აბსოლუტურად განსხვავებული ჩვენება მისცეს. ფარულ ჩანაწერში სულ სხვა რამეზეა საუბარი, სულ სხვანირადაა მომხდარი აღწერილი და მიცემულ ჩვენებებში, სულს ხვანაირად“, - აცხადებს კაკაბაძე.

შემდეგი სასამართლო სხდომა 28 აპრილს, 12:00 საათზე ჩაინიშნა.

ცნობისთვის, პირველ დეკემბერს, ხორავას ქუჩაზე, მოზარდებს შორის სისხლიან გარჩევას, ორი მოზარდის, დავით სარალიძისა და ლევან დადუნაშვილის სიცოცხლე ემსხვერპლა.   




sazogadoeba

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.7%
შემცირდა 11.5%
არ შეცვლილა 2.8%