ახალ ბულვარში, ტურისტული სეზონისათვის მოსამზადებელი ინფრასტრუქტურული პროექტების განხორციელება მიმდინარეობს.
სამუშაო პროცესს აჭარის მთავრობის თავმჯდომარე ზურაბ პატარაძე აჭარის ფინანსთა და ეკონომიკის მინისტრთან რამაზ ბოლქვაძესთან ერთად გაეცნო. პროექტის დეტალები მთავრობის წარმომადგენლებს ბათუმის ბულვარის ხელმძღვანელმა ეთერ მაჭუტაძემ გააცნო.
კაპიტალური სამშენებლო სამუშაოები ახალი ბულვარის ტერიტორიაზე რამდენიმე მიმართულებით მიმდინარეობს: ახალ ბულვარში დაზიანებული ფილების გამოცვლა, ბორდიურების, წვივმიმღები ჭების მოწყობა და არსებული გრანიტის ფილების მონტაჟი. აღნიშნულ ტერიტორიებზე, რეაბილიტაცია 30 000 კვ.მ მოცულობის სასეირნო ბილიკსა და მიწისქვეშა კომუნიკაციებს ჩაუტარდება. ბილიკები გრანიტის ფილებითა და ბაზალტის ბორდიურებით კეთილმოეწყობა.
სამუშაოები ორ ეტაპად განხორციელდება. პირველი ეტაპი - მიმდინარე წლის 12 ივნისის ჩათვლით ამფითეატრის მოედნიდან მეჯინისწყლის ხიდამდე. მეორე ეტაპი- 2018 წლის 01 ოქტომბრიდან 14 ნოემბრის ჩათვლით მეჯინისწყლის ხიდიდან კაჩინსკის ქუჩის მოსახვევამდე.
პროექტი ბათუმის ბულვარის ბიუჯეტიდან 2 041 884 ლარით ფინანსდება.
სარეაბილიტაციო სამუშაოებს კომპანია "მონოლითი 2005" ახორციელებს.
