სიახლე შიდა ფრენებთან დაკავშირებით. 26 აპრილიდან შიდა ავიარეისებზე ბილეთის ფასები იცვლება. შპს „საქართველოს გაერთიანებული აეროპორტების“ Facebook-ზე განთავსებული ინფორმაციით თანახმად, განახლებული ფასები ერთი გზის ბილეთისათვის ასეთია:
ქუთაისი - მესტია 50 ლარი; (წინა ფასი 40 ლარი)
ნატახტარი - მესტია 90 ლარი; (წინა ფასი 65 ლარი)
ნატახტარი - ამბროლაური 50 ლარი; (ფასი უცვლელი)
თბილისი - ბათუმი 125; (წინა ფასი 90 ლარი)
ბილეთების შეძენა შეგიძლიათ მოცემულ საიტზე http://new.vanillasky.ge/
შეგახსენებთ, რომ აღნიშნულლ შიდა რეისებს ქართული ავიაკომპანია „AK-AIR GEORGIA“ ახორციელებს.
საქართველოს ეკონომიკისა და მდგრადი განვითარების სამინისტროს სამოქალაქო ავიაციის სააგენტომ „AK-AIR GEORGIA"-ზე საჰაერო ხომალდის ექსპლუატანტის სერტიფიკატი და გადაყვანა-გადაზიდვის მოწმობა იანვრის ბოლოს გასცა.
რომლის მიხედვითაც ავიაკომპანიას უფლება ეძლევა განახორციელოს 5700 კგ-ზე ზევით მაქსიმალური ასაფრენი მასის მქონე საჰაერო ხომალდის კომერციული ექსპლუატაცია. ამ ეტაპზე „AK-AIR GEORGIA"-ს საკუთრებაში ერთი ერთეული L410UVP E ტიპის საჰაერო ხომალდი იმყოფება. ავიაკომპანიის ბაზირების ადგილია საქართველო.
საჰაერო ხომალდების ექსპლუატაციისათვის აუცილებელი სერტიფიცირების პროცესის წარმატებით დასრულების შემდგომ, სააგენტოს მიერ განხორციელდა ავიაკომპანია „AK-AIR GEORGIA"-ს ფინანსური მდგომარეობის შეფასება, რაც წარმოადგენს მგზავრთა უფლებებისა და ფრენების უსაფრთხოების დაცვის სამართლებრივი რეგულირების ახალ, დამატებით მექანიზმს.
გადაყვანა-გადაზიდვის მოწმობა, რომელიც ავიაკომპანიას 31 იანვარს მიენიჭა, ადასტურებს „AK-AIR GEORGIA"-ს ფინანსურ საიმედოობას, არსებული და მის მიერ პოტენციური ფინანსური ვალდებულებების შესრულების შესაძლებლობას. ავიაგადამზიდველი აგრეთვე აკმაყოფილებს „საჰაერო ხომალდის ექსპლუატანტის/საჰაერო გადაყვანა-გადაზიდვის მოწმობის მფლობელის სამოქალაქო პასუხისმგებლობის დაზღვევის წესით" გათვალისწინებულ მოთხოვნებს მგზავრის, ბარგის, ტვირთის და მესამე პირების მიმართ.