საქართველოს საგარეო საქმეთა მინისტრის პირველი მოადგილის დავით ზალკალიანის შეხვედრა გაიმართა კატარის საგარეო საქმეთა სახელმწიფო მინისტრთან სოლტან ბინ საად ალ მურაიქისთან.
შეხვედრაზე განხილულ იქნა ორმხრივი ურთიერთობების ძირითადი საკითხები, ეკონომიკური თანამშრომლობის პერსპექტივები და კატარის დაინტერესება მნიშვნელოვანი ინფრასტრუქტურული პროექტებით. ხაზი გაესვა ორ ქვეყანას შორის ბიზნეს კონტაქტების გაძლიერების მნიშვნელობას.
აღინიშნა, რომ პირდაპირი ფრენები ხელს უწყობს ტურიზმის ნაკადის ზრდას და ორივე ქვეყნის ცნობადობის ამაღლებას. საუბარი ასევე შეეხო ორი ქვეყნის თანამშრომლობას მრავალმხრივ ფორმატებში და განხილულ იქნა რეგიონალური გამოწვევები.