ქართულ ბიზნესს საინვესტიციო ფორუმში "წარმატების წისქვილი” მონაწილეობის შანსი ეძლევა. როგორც აჭარის სავაჭრო-სამრეწველო პალატაში განმარტავენ, 29-30 ივნისს, ბელორუსიაში ქ. მოგილიოვში მე-10 საერთაშორისო საინვესტიციო ფორუმი "წარმატების წისქვილი” გაიმართება.
ფორუმი საშუალებას იძლევა მეწარმეები ეწვიონ მოგილიოვის რეგიონის საინვესტიციო და საინოვაციო პროექტების გამოფენა-პრეზენტაციას.
ფორუმის ფარგლებში ასევე დაგეგმილია საერთაშორისო სექციების ჩატარებაB2B შეხვედრების ფორმატში.
ფორუმს დაესწრებიან ბიზნესის, ხელისუფლების, სავაჭრო-სამრეწველო პალატების, დიპლომატიური კორპუსის და მსოფლიოში ცნობილი კომპანიების წარმომადგენლები.
ფორუმში მონაწილეობა უფასოა.
