ებრაული სათვისტომოს ლიდერი, გერმანიის დიდ ქალაქებში სტუმრობისას, ებრაელ მოქალაქეებს ურჩევს თავი შეიკავონ საზოგადოებაში კიპას ტარებისგან, მას შემდეგ რაც სწორედ ამ მიზეზით ერთი ახალგაზრდა სცემეს ბერლინის ქუჩებში.
თავდასხმამ, რომელიც 19 წლის სირიელმა ლტოლვილმა განახორციელა, გაამძაფრა ადგილობრივი მოსახლეობის განწყობა და ქვეყანაში ანტისემიტური სიტუაციის შექმნის მიზეზი გახდა.
ერთ-ერთი მათგანი, ვინც ამ ინციდენტის გამო შეწუხდა იყო იოსეფ შუსტერი - გერმანიაში ებრაელთა ცენტრალური საბჭოს ხელმძღვანელი. დღეს მან მედიის საშუალებით მიმართა ებრაელ მოქალაქეებს თხოვნით, უარი თქვან საზოგადოებაში კიპას ტარებაზე გერმანიის დიდ ქალაქებში და ის კეპით ან სხვა ნეიტრალური აქსესუარით ჩაანაცვლონ.
ამასთან შუსტერმა აღნიშნა, რომ ის მთლიანად მხარს უჭერს ებრაული კიპას ტარებას, თუკი ის ვინმეს სიცოცხლეს და ჯანმრთელობას საფრთხეს არ შეუქმნის.