25 აპრილს, 11:00 საათზე, სასტუმროში „ამბასადორი თბილისი”, საქართველოს პარლამენტის სპორტისა და ახალგაზრდულ საქმეთა კომიტეტი, საზოგადოებას კომიტეტის სტრატეგიასა და 2018-2020 წლების სამოქმედო გეგმას წარუდგენს.
ღონისძიებას გახსნის საქართველოს პარლამენტის თავმჯდომარე ირაკლი კობახიძე.
მონაწილეებს სიტყვით მიმართავენ იანოშ ჰერმანი - ევროკავშირის ელჩი საქართველოში და, ნილს სკოტი - გაეროს განვითარების პროგრამის (UNDP) მუდმივი წარმომადგენელი საქართველოში.
მიხეილ ყაველაშვილი - პარლამენტის სპორტისა და ახალგაზრდულ საქმეთა კომიტეტის თავმჯდომარე, შეაჯამებს კომიტეტის 2017 წლის საქმიანობას და წარადგენს მომავალი წლების სტრატეგიასა და სამოქმედო გეგმას.
ღონისძიებაში მონაწილეობას მიიღებენ საქართველოს პარლამენტის წევრები, მთავრობის, თბილისის მუნიციპალიტეტის, ოლიმპიური და პარაოლიმპიური კომიტეტების, ახალგაზრდობის საკითხებზე მომუშავე და დონორი ორგანიზაციების წარმომადგენლები.
საქართველოს პარლამენტის სპორტისა და ახალგაზრდულ საქმეთა კომიტეტის სტრატეგიისა და სამოქმედო გეგმის წარდგენა ხორციელდება ევროკავშირისა (EU) და გაეროს განვითარების პროგრამის (UNDP) მხარდაჭერით.