SITA Baggage Report 2018-ის მიხედვით, 2017 წელს აეროპორტებში ბარგის გადამუშავებისას პრობლემების 47%-ი ტრანსფერის დროს წარმოიქმნა. პრობლემების 16%-ი უკავშირდება თვითმფრინავში ჩაუტვირთავ ბარგს. ხოლო წარმოქმნილი პრობლემების 15%-ი ბარგის დაგვიანებაზე, უსაფრთხოების ნორმებზე და სხვა შემთხვევებზე მოდის.
ბარგის არასწორი დამუშავების 78%-მა ის საკმაოდ დაგვიანებით მიიღო, მგზავრთა 17%-მა ბარგი დაზიანებულ მდგომარეობაში მიიღო, ხოლო 5%-ი საერთოდ გაქრა, დაიკარგა.
შეგახსენებთ, რომ 2017 წლის მაჩვენებლებით 22,7 მლნ-მა ავიამგზავრმა ჩამოფრენისას საკუთარი ჩემოდანი ვერ მიიღო.
აღსანიშნავია, რომ დაკარგულ ბარგთან დაკავშირებით, 2017 წლის მაჩვენებელი 2016 წლის მაჩვენებლებთან 4,1%-ითაა გაზრდილი.
თუმცაღა საგულისხმოა ისიც, რომ 2017 წელს გასულ წელთან შედარებით მგზავრთნაკდი 7,1%-ით გაიზარდა და 4,08 მლრდ მგზავრი შეადგინა. რეალურად კი ავიაკომპანიებმა ყოველ 1000 მგზავრზე ნაკლები ბარგი დაკარგეს.
2017 წელს ყოველ 1000 მგზავრზე საშუალოდ 5,57 დაკარგული ჩანთა მოდის, ხოლო 2016 წლის მონაცემებით კი ყოველ 1000 მგზავრზე 5,73 ჩანთა.
2017 წელს ბარგის არასათანადოდ მოპყრობისა და დაკარგვის შედეგად ზარალმა 2,3 მლრდ დოლარი შეადგინა.
სტატისტიკური ინფორმაციის მიხედვით, ევროპაში ყოველ 1000 მგზავრზე დანაკარგი 6,94 ჩანთაა, ხოლო აზიაში მხოლოდ - 1,92 ჩანთა.
