„ნუ მომკლავ - აღასრულე სამართალი“ - ამ ლოზუნგით გაიმართება დღეს, 24 აპრილს, 11:00 საათზე აქცია თბილისის საქალაქლო სასამართლოს ეზოში.
პირველ დეკემბერს, ხორავას ქუჩაზე მოკული დავით სარალიძის მამა, ზაზა სარალიძე თვლის, რომ ხორავას ქუჩაზე მომხდარი მკვლელობის საქმეზე გამოძიება არასწორი მიმართულებით მიმდინარეობს და იკვეთება დამნაშავეებზე ხელის დაფარების ნიშნები. მისი განმარტებით, სისხლის სამართლის პასუხისგებაში არ ეძლევიან მისი შვილისა და ლევან დადუნაშვილის მკვლელობაში მონაწილე სხვა პირებიც, რადგან მათ ხელს პროკურატურა აფარებს.
როგორც დაზარალებული სარალიძე აღნიშნავს, პროკურატურა არამხოლოდ დამნაშავეებს აფარებს ხელს, არამედ მოწმეებზეც ახდენს ზეწოლას.
სარალიძეს საქმისთვის პოლიტიკური ელფერის შეძენაში ადანაშაულებენ. თუმცა, როგორც ის „ჯი-ეიჩ-ენთან“ საუბარში აცხადებს, აღნიშნულ აქციას პოლიტიკასთან არანაირი კავშირი აქვს.
რაც შეეხება მოკლული ლევან დადუნაშვილის ოჯახს, ისინი დღეს დაგეგმილ აქციაში სავარაუდოდ, მონაწილეობას არ მიიღებენ.
ცნობისთვის, ხორავას ქუჩაზე სისხლიან გარჩევას პირველ დეკემბერს, ორი მოზარდის სიცოცხლე შეეწირა.