„ნუ მომკლავ - აღასრულე სამართალი“ - ამ ლოზუნგით გაიმართება მშვიდობიანი აქცია, რომელსაც არანაირი პოლიტიკური სახე არ ექნება, თუმცა, ვიღაცეები ცდილობენ, ამას პოლიტიკური სახე შესძინონ“, - განუცხადა „ჯი-ეიჩ-ენს“ ხორავას ქუჩაზე მოკული დავით სარალიძის მამამ, ზაზა სარალიძემ.
როგორც ის განმარტავს, ხვალ მასთან ერთად ყველა ის ადამიანი, ვისთვისაც მნიშვნელოვანია, ქვეყანაში დაუსჯელობის სინდრომი არ იყოს, გააპროტესტებს პირველ დეკემბერს, ხორავას ქუჩაზე მომხდარი მკვლელობის საქმის მიმდინარეობას.
„ახალაგზრდები, ბავშვები, ჩემი შვილის თანატოლები ჩემთან ერთად მოითხოვენ იმას, რომ სამართალმა იზეიმოს და დაუსჯელობის სინდრომი არ იყოს“, - აცხადებს დაზარალებული.
რაც შეეხება მეორე მოკლულის, ლევან დადუნაშვილის ოჯახს, როგორც „ჯი-ეიჩ-ენისთვის“ გახდა ცნობილი, შესაძლოა, მათ ხვალ დაანონსებულ აქციაში მონაწილეობა არ მიიღონ.
„ამასთან დაკავშრებით, კომენტარს ევრ გავაკეთებ. სიმართლე გითხრათ, შვილმკვდარი დედისთვის რაიმე სხის წინააღმდეგობის გაწევა არც მინდა. რატომღაც, ის ყველაფერზე თავს იკავებს, თუ რატომ, ეს ჩემთვის გაუგებარია, მაგრამ არ ჩავერევი“, - აცხადებს სარალძე.
ცნობისთვის, ხვალ, 24 აპრილს, 11 საათზე, თბილისის საქალაქო სასამართლოს ეზოში გაიმართება აქცია „ნუ მომკლავ - აღასრულე სამართალი“.
