ათობით სამხედრო პირი შეუერთდა აქციას, რომელიც მიმართულია ყოფილი პრეზიდენტის, სერჟ სარგსიანის პრემიერ-მინისტრის პოსტზე დანიშვნის წინააღმდეგ.
სომხურ მედიასთან საუბრისას მათ განაცხადეს, რომ სამხედრო სამასახურში იმყოფებიან.
თავდაცვის სამინისტრში ამბობენ, რომ შესაბამის ღონისძიებებს გაატარებენ მათ მიმართ, ვინც სამხერთ ნაწილი თვითნებურად დატოვა.
სომხეთის დედაქალაქის ქუჩებში მსვლელობა იმართება. მომიტინგეების ერთი ნაწილი ერევანის სახელმწიფო უნივერსიტეტთან არის შეკრებილი. დემონსტრანტები ლიდერების გარეშე არიან დარჩენილნი, ჯერ კიდევ შაბათს აქციების ორგანიზატორები არმენ გრიგორიანი და დავიდ სანასარიანი დააკავეს, ხოლო გუშინ დეპუტატები ნიკოლ ფაშინიანი, სასუნ მიქაელიანი.
ოპოზიციონერი დეპუტატის ლენა ნაზარიანის განცხადებით, საპროტესტო აქციების ლიდერები ხელისუფლებასთან მოლაპარაკებების დროს აქციების შეწყვეტას არ აპირებენ.
ცნობისთვის, დღევანდელი მონაცემებით დაკავებულია 33 აქციის მონაწილე.
