ოპოზიციონერმა დეპუტატმა ნიკოლ პაშინიანმა, რომელიც ხელმძღვანელობს ყოფილი პრეზიდენტის, სერჟ სარგსიანის პრემიერ-მინისტრად არჩევის წინააღმდეგ საპროტესტო აქციას, ერევანის გარეუბანში დღეს დილიდან აქცია განაახლა.
პოლიციამ გადაკეტა მსვლელობა და მოითხოვა მონაწილეებისგან არ შეეზღუდათ გზის სავალი ნაწილი. ერევანის პოლიციის უფროსის მოადგილემ ვალერი ოსიპიანმა განუცხადა პაშინიანს, რომ მომიტინგეები ზღუდავენ სხვების უფლებებს.
ცნობისთვის, აქცია სომხეთის პრემიერ-მინისტრად სერჟ სარგსიანის არჩევის წინააღმდეგ 13 აპრილს დაიწყო.
მომიტინგეები ცდილობდნენ პარლამენტის შენობაში შესვლას, თუმცა პოლიციამ მათი ქმედება შეაჩერა. ურთიერთშჯახების შედეგად ათობით ადამიანი დაშავდა. მომდევნო დღეს მომიტინგეებმა განაცხადეს სომხეთში „ხავერდოვანი რევოლუციის“ დაწყების შესახებ.
პროტესტის მიუხედავად, სომხეთის პარლამენტმა სერჟ სარგსიანი მაინც აირჩია პრემიერ-მინისტრად.
