ვითიბი ბანკის მხარდაჭერით, 21 აპრილს, ბათუმი მასშტაბურ, საერთაშორისო ნახევარ-მარათონს THE GREAT BATUMI NIGHT RACE უმასპინძლებს. გარბენის მიზანია სირბილის და ცხოვრების ჯანსაღი წესის პოპულარიზაცია, შემოსული თანხა მოხმარდება ექსპერიმენტალური კლასის გახსნას აუტისტური სპექტრის მქონე ბავშვებისთვის.
აღსანიშნავია, რომ შეჯიბრების ფარგლებში ჩატარდება ნახევარ მარათონი (21,1 კმ), მხიარული გარბენი (10 კმ) და ორი ბავშვთა გარბენი. ბავშვთა გარბენში მონაწილეობა უფასოა. ღონისძიებაში მონაწილეობის მისაღებად 32 ქვეყნიდან ასობით პროფესიონალი სპორტსმენი და მოყვარული დარეგისტრირდა. ღამის მარათონს ბათუმი პირველად უმასპინძლებს, თუმცა ორგანიზატორები აცხადებენ რომ შეჯიბრი ყოველწლიური გახდება და სულ უფრო მეტ მონაწილეს მოიზიდავს. გარბენი შაბათ 7 საათისთვის დაიწყება. პირველ მეორე და მესამე საპრიზო ადგილას გასული სპორტსმენები ფულად ჯილდოებს მიიღებენ .