MasterCard -მა საქართველო მუსლიმი ტურისტებისთვის კომფორტული ქვეყნების სიაში შეიყვანა.
MasterCard -სა და CrescentRating-ის მიერ მომზადებულ Global Muslim Travel Index 2018 -ის მიხედვით, საქართველო იმ TOP- 10 ქვეყანას შორისა, რომელიც არ არის ისლამური თანამეგობრობის (OIC) წევრი, თუმცა ჩასულ მუსლიმ ტურისტს კომფორტული მომსახურება დახვდება.
სია ასე გამოიყურება: რუსეთი, ესპანეთი, საფრანგეთი, ტაილანდი, სინგაპური, იტალია, საქართველო, საბერძნეთი, ბრიტანეთი და ინდოეთი.
OIC -ში შემავალ TOP – 10-ში კი არიან: საუდის არაბეთი, თურქეთი, მალაიზია, არაბეთის გაერთიანებული საამიროები, ბაჰრეინი, მაროკო, ყაზახეთი, ლიბანი, ტუნისი და იორდანია.
კვლევაში აღნიშნულია, რომ ჰალალ- ტურისტული ბაზარი სწრაფად მზარდი და ვითარდება ცვალებად გარემოში, ის ერთ-ერთი უმსხვილესი ბაზარია, რის გამოც MasterCard-ი ქვეყნებს ურჩევს ამ სეგმენტის ტურისტების მოსაზიდად სპეციალური სტრატეგიები შეიმუშაონ.
2017 წელს სხვადასხვა ქვეყანას 131 მლნ მუსლიმი სტუმრობდა. პროგნოზით, 2020 წლისთვის მათი რაოდენობა 156 მილიონამდე გაიზრდება. ასევე გაიზრდება მათი დანახარჯებიც. ბიზნესში ამ სექტორიდან ჯამური კონტრიბუცია 2020 წლისთვის 220 მილიარდ დოლარს მიაღწევს, 2026 წლისთვის კი, 300 მილიარდამდე გაიზრდება.