პარლამენტის ვიცე-სპიკერის გია ვოლსკის ინფორმაციით, საპარლამენტო უმრავლესობის სხდომა სავარაუდოდ, მომავალ კვირაში გაიმართება.
ვოლსკიმ ჟურნალისტებთან საუბარისას გუშინ დაგეგმილი სხდომის არჩატარების მიზეზები განმარტა:
„არ მგონია, ვითარების დაძაბვას რაიმე წინაპირობა ჰქონდეს. ალბათ, სხდომას იმ კვირაში ჩავატარებთ. რაღაც ღონისძიებებია დაგეგმილი, პოლონეთის დელეგაცია ჩამოდის და ორმხრივ საპარლამენტო ასამბლეას ვქმნით.
ასევე, ბათუმში უსაფრთხოების დიდი ფორუმია დაგეგმილი, რომელსაც ნატო ატარებს. ობიექტური წინაპირობებია იმისათვის, რომ აღელვებას მენეჯმენტი გავუკეთოთ და ისეთ პერიოდს დაველოდოთ, როცა თემებზე, დამოკიდებულებებსა და ურთიერთობებზე ვიმსჯელებთ.
ყველაფერს თავისი სახელი დაერქმევა და ყველაფერი კარგად იქნება. საზოგადოება ამ რაღაც შიდა დაძაბულობით დაიძაბა, რასაც წინაპირობა არ გააჩნია“, – განცხადა გია ვოლსკიმ.
