გარემოს ეროვნული სააგენტოს მეთევზეობისა და შავი ზღვის მონიტორინგის დეპარტამენტმა მესამე საზღვაო ექსპედიცია დაასრულა.
თევზჭერა განხორციელდა საქართველოს შავი ზღვის სანაპიროს სხვადასხვა უბანზე, ყველა აქტიურ სიღრმით იარუსზე - თევზსაჭერი ბადის გამოყენებით. ასევე, სპეციალური ხელსაწყოების საშუალებით განხორციელდა რესურსების სკანირება.
სპეციალისტების მიერ დამუშავდა ინფორმაცია საქართველოს ტერიტორიაზე, შავ ზღვაში თევზების ბიომრავალფეროვნების და მარაგების შესახებ. ექსპედიციის ფარგლებში განხორციელდა დაკვირვებები ზღვის ძუძუმწოვრებზე.
მეთევზეობისა და შავი ზღვის მონიტორინგის დეპარტამენტის მიერ აღებული მასალა და სინჯების დამუშავება უახლოეს პერიოდში დასრულდება.
