ე.წ. პიჯაკების საქმეზე თბილისის საქალაქო სასამართლოში კონტროლის პალატის მთავარი აუდიტორი, ნოდარ ვეკუა დაიკითხა. როგორც თეიმურაზ ჯანაშიას ადვოკატი, ბექა ბასილაია აცხადებს, აღნიშნულ საქმეზე სააკაშვილისა და ჯანაშიას წინააღმდეგ, გამოძიება არ უნდა მიმდინარეობდეს.
"დღევანდელი ჩვენება რომ შევაჯამოთ, მოწმის ერთ ფრაზაში შეიძლება შეჯამდეს, ის ამბობს რომ "კოსტუმები" ფარული ხარჯების მუხლით კი არ უნდა ყოფილიყო შეძენილი, არამედ თბილი ინვენტარისა და უნიფორმის მუხლით. ბრალდების მთელი არსი გამყარებულია ამგვარ ლოგიკაზე. მარჯვენა ჯიბიდან კი არ უნდა დახარჯულიყო თანხა, არამედ მარცხენა ჯიბიდან. ალბათ, მარცხენა ჯიბიდან რომ დახარჯულიყო, იტყოდნენ მარჯვენა ჯიბიდან რატომ არ დაიხარჯაო. საბოლოო ჯამში, რატომ სამართალდება ამ საქმეზე თეიმურაზ ჯანაშია, აბსოლუტურად გაუგენარი რჩება. მოცემული მოწმის დაკითხვიდან მკაფიოდ ჩანს, სახელმწიფო ვალდებულია გასწიოს ის ხარჯები, რა ხარჯებთან დაკავშირებითაც არსებობს საიდუმლო პატაკები, რომელიც დღეს გასაიდუმლოებულია, რა ხარჯებთან დაკავშირებითაც არსებობს პრეზიდენტის განკარგულება. მოწმე საუბრობდა, პრეზიდენტი სამკურნალო და გამაჯანსაღებელ პროცედურებს რომ გადიოდა, ამასთან დაკავშირებით წინასწარი საიდუმლო დასკვნები არ იდოო, ანუ პრეზიდენტი ჯანმრთელად რომ იყოს, საამისიდ საჭიროა წინასწარი დასკვნები რომ ის ავადაა და ა.შ. მიმართვები, ბიუროკრატია და ამის შემდეგ უნდა ჩაეტარებუნა გამაჯანსაღებელი პროცედურები. მოწმე საუბრობდა, რომ ავტოტრანსპორტის დაქირავება ნამდვილად უნდა მომხდარიყო, მაგრამ პრეზიდენტის ადმინისტრაციის ხარჯით უნდა მომხდარიყო და არა სახელმწიფო დაცვის სპეციალური სამსახურის ხარჯებიდან. ასეთ საქმეებზე კი როგორც წესი, სამართლებრივ სახელმწიფოში არათუ ბრალდების დადგენა, გამოძიებაც არ მიმდინარეობს", - განაცხადა ბექა ბასიალაიამ.
ცნობისთვის, მიხეილ სააკაშვილსა და თეიმურაზ ჯანაშიას, სახელმწიფო ბრალდება საბიუჯეტო თანხების დიდი ოდენობით ჯგუფურად გაფლანგვას ედავება.