„ევროპული საქართველოს“ წევრის სერგო რატიანის განცხადებით, მას აინტერესებს, თავად თუ სჯერა გიორგი აბაშიშვილს მისივე განცხადების „ქართული ოცნებისა“ და „ევროპული საქართველოს“ მონაწილეობით ახალი უმრავლესობის ფორმირების შესახებ.
რატიანის თქმით, საინტერესოა აბაშიშვილს "თვითონ თუ სჯერა იმ ბოდვის, რასაც ლაპარაკობს".
„მე არ მინახავს ეს განცხადება და მინდა ჟურნალისტებს გკითხოთ, როდესაც ამას ამბობდა სახე სერიოზული ჰქონდა თუ ეცინებოდა? თვითონ თუ სჯერა იმ ბოდვის, რასაც ლაპარაკობს“, – განაცხადა სერგო რატიანმა.
ცნობისთვის, გიორგი აბაშიშვილმა განაცხადა, რომ სახელმწიფო უწყებები, იმის ნაცვლად, რომ ებრძოდნენ კრიმინალს, დაკავებულები არიან შავი პიარის წარმოებით საქართველოს პრეზიდენტის წინააღმდეგ ცხადია, იმ ორ გაერთიანებულ პარტიასთან ერთად, რომელიც არის “ქართული ოცნება” და “ევროპული საქართველო”.