ძალადობრივი დანაშაულებისთვის დაკავებულების შეწყალება სამწუხაროდ, ხშირად ხდება, - ამის შესახებ პარლამენტის თავმჯდომარის პირველმა მოადგილემ თამარ ჩუგოშვილმა განაცხადა.
მისი თქმით, საქართველოში შეწყალების პრაქტიკა პრობლემატურია.
„ძალადობრივი დანაშაულებისთვის დაკავებულების შეწყალება სამწუხაროდ, ხშირად ხდება და შემდეგ დამატებით მსხვერპლებს ვიღებთ ქვეყანაში, რაც განსაკუთრებული პრობლემაა. კონკრეტულ შემთხვევებთან დაკავშირებით რთულია საუბარი, მაგრამ ზოგადად, შეწყალების პრაქტიკა არის პრობლემატური, მსჯავრდებულის შეწყალება არის პრეზიდენტის კონსტიტუციური უფლება, მაგრამ ამ უფლების ამ მასშტაბებით ასეთ შემთხვევებში გამოყენება, განსაკუთრებით, როდესაც რეციდივებს, დანაშაულის გამეორებას ვიღებთ, არის ძალიან დიდი პრობლემა“, – განაცხადა თამარ ჩუგოშვილმა.
