ქვეყანაში კრიმინოგენული ფონის გაუარესებაზე საზოგადოების წინაშე პასუხისმგებლებლები „ქართული ოცნება“ და პრეზიდენტი მარგველაშვილი არიან, – ამის შესახებ „ევროპული საქართველოს“ წევრმა, დეპუტატმა ოთარ კახიძემ განაცხადა.
მისი თქმით, მათ ამ პასუხისმგებლობის აღება მაინც მოუწევთ.
მისივე განმარტებით, „ქართული ოცნების“ პასუხისმგებლობაც არის იმაში, როცა მოძალადეების და ნარკორეალიზატორების შეწყალება ხდება, მაგრამ გადაწყვეტილებას პრეზიდენტი იღებს.
„როდესაც ისინი ნარკორეალოზატორებს თუ მოძალადეებს იწყალებენ, რა თქმა უნდა, „ქართული ოცნების” პასუხისმგებლობა ამ საქმეებში არის, როდესაც კომიტეტის ან სასჯელაღსრულების სამინისტროს დასკვნაა, მაგრამ გადაწყვეტილება პრეზიდენტმა მიიღო. ამ გადაწყვეტილებაზე პოლიტიკური პასუხისმგებლობაც პრეზიდენტს ეკისრება“, – განაცხადა კახიძემ.
