პროკურატურა გააკეთებს ყველაფერს რომ სასამართლოს წარუდგინოს იმ უტყუარ მტკიცებულებათა ერთობლიობა, რაც სასამართლოს აღნიშნული პირის ბრალეულობაში და მის მიმართ უმკაცრესი ზომის გამოყენებაში დაარწმუნებს, - ამის შესახებ 25 წლის თაკო გამრეკელაშვილის მკვლელობის საქმის პროკურორმა იოსებ ხუციშვილმა განაცხადა.
მისი თქმით, მკლელობის მოტივი ის არის, რომ გარდაცვლილი იყო აღნიშნული პირის და მისი დედის ურთიერთობის წინააღმდეგი იყო, ვინაიდან მათ ჰქონდათ დაძაბული ურთიერთობა.
"ჩადენილია საზარელი დანაშაული, დადგენილია დანაშაულის ჩამდენი პირი. მას ბრალდება წარდგენილი აქვს 11 პრიმა 109-ე მუხლით პროკურატურა ძალადობრიბი ნადაშაულის მიმართ მკაცრი სისხლისამართლებრივი პოლიტიკა. პროკურატურა გააკეთებს ყველაფერს რომ სასამართლოს წარუდგინოს იმ უტყუარ მტკიცებულებათა ერთობლიობა, რაც სასამართლოს აღნიშნული პირის ბრალეულობაში და მის მიმართ უმკაცრესი ზომის გამოყენებაში დაარწმუნებს. წარდგენილი აქვს 11 პრიმა მუხლით, რაც სასჯელოს სახით ითვალისწინებს 16 დან 20 წლამდე ან უვადო თავისუფლების აღკვეთას. რაც შეეხება ბრალის დამძიმებად, მას წარდგენილი აქვს მკვლელობა დამამძიმებელ გარემოებებში განსაკუთრებული სისასტილით, ვინაიდან ბავშვების თვალწინ მოხდა მკვლელობა. შემთვევის ადგილიდან ამოღებულია გარკვეული სითხე, შესაბამისად ამოღებულია ის ნივთები, რომელზეც შესაძლოა დასხმული იყოს აღნიშნული სითხე წინასწარი ვარაუდით ბენზინია ნავთი თუ სალიარი ამას დაადგენს ექსპერტიზა. ამ კუთხით გამოძიება გრძელსება. მოტივი ის არის, რომ გარდაცვლილი იყო აღნიშნული პირის და მისი დედის ურთიერთობის წინააღმდეგი იყო, ვინაიდან მათ ჰქონდათ დაძაბული ურთიერთობა. ამ ეტაპზე გამოძიება გრძელდება, როგორც დაზარალებული აცხადებს, კარების საკეტი იყო დაზიანებული და მან კარი ვერ დაკეტა. რაც შეეხება დალოდებას, ის პირველი მივიდა და დაელოდა გარდაცვლილს. ჩვენ ვითხოვთ პატიმრობას", - განაცხადა ხუციშვილმა, რომელმაც აქვე აღნიშნა, რომ ბრალდებულმა 3 და 6 წლის შვილების თანდასწრებით, თამარ გამრეკელაშვილს ხელთარსებული დანით ჭრილობები მიაყენა, რის შედეგადაც ადგილზე გარდაიცვალა.
პროკურატურა თეიმურაზ ბაქრაძის მიმართაც პატიმრობის შეფარდებას მოითხოვს, რადგან პროკურორის თქმით, არსებობს ვარაუდი, ნაკლებად მკაცრი აღკვეთის ღონისძიების შეფარდების შემთხვევაში ის, გამოძიებას მიემალება. ცნობისთვის, თეიმურაზ ბაქრაძე და თაკო გამრეკელაშვილის მკვლელობაში ბრალდებული ვეფხია ბაქრაძე ბიძაშვილ-მამიდაშვილები არიან. ის დანაშაულის შეუტყობინებლობისთვისაა დაკავებული. თეიმურაზ ბაქრაძის ადვოკატმა სასამართლოს მისი 3 000 ლარიანი გირაოს სანაცვლოდ გათავისუფლების შუამდგომლობით მიმართა.
შეგახსენებთ, მკვლელობაში ბრალდებულ ბაქრაძეს ბრალდება წარდგენილი აქვს საქართველოს სისხლის სამართლის კოდექსის 11 პრიმა 109-ე მუხლის მესამე ნაწილის "ბ" ქვეპუნქტით, რაც გულისხმობს ოჯახის ერთი წევრის მიერ, მეორე წევრის განზრახ მკვლელობას განსაკუთრებული სისასტიკით ჩადენილს. დანაშაული სასჯელის სახედ და ზომად 16-დან 20 წლამდე, ან უვადო თავისუფლების აღკვეთას ითვალისწინებს.
საქმეზე გამოძიებას საქართველოს შინაგან საქმეთა სამინისტრო აწარმოებს.
ცნობისთვის, ბარნოვის ქუჩაზე ახალგაზრდა ქალის მკვლელობაში ბრალდებული ბაქრაძე წარსულშიც იყო დაკავებული, თუმცა, მან პრეზიდენტის შეწყალების საფუძველზე საპატიმრო 2017 წლის 25 მაისს დატოვა.
მიმალვაში მყოფი ვეფხია ბაქრაძე შაბათს, თელეთში დააკავეს.