ნავთობპროდუქტების იმპორტიორთა კავშირის ინფორმაციით, 2018 წლის მარტში საქართველოში სანავთობო ბიტუმის იმპორტმა შეადგინა 4,8 ათასი ტონა, რაც 2,9 ათასი ტონით აღემატება თებერვლის თვის მაჩვენებელს (1,9 ათასი ტონა). აქედან იმპორტის 91,7% მოდის ირანის ისლამურ რესპუბლიკაზე.
მიმდინარე წლის პირველი კვარტლის განმავლობაში სანავთობო ბიტუმის იმპორტმა შეადგინა 9,1 ათასი ტონა, რაც 1,6 ათასი ტონით ანუ 14,9%-ით ნაკლებია გასული წლის ანალოგიური პერიოდის მაჩვენებელთან შედარებით (10,7 ათასი ტონა).
სანავთობო ბიტუმის მოხმარება ძირითადად ხდება გზების მშენებლობისას, ასფალტის წარმოებისას. ჩვენი აზრით, მომავალ თვეებში აღნიშნული სამუშაოების მასშტაბურად გააქტიურების შედეგად პროდუქციის მოხმარება კიდევ მეტად გაიზრდება.
