სომხეთის პოლიციამ მოუწოდა ჟურნალისტებს, რომლებიც ერევანში საპროტესტო აქციის აშუქებენ, დარჩნენ უსაფრთხო მანძილზე მომიტინგეებისგან.
"კანონი უფლებას, აძლევს პოლიციას აქციის დაშლის და მზად არის ნებისმიერ დროს შეასრულოს თავისი მოვალეობა. ამის გათვალისწინებით მოვუწოდებთ ჟურნალისტებს დაიცვან დისტანცია მომიტინგეებისგან „ - ნათქვამია პოლიციის გვერდზე გაკეთებულ განცხადებაში.
ცნობისთვის, მომიტინგეები, სომხეთის ყოფილი პრეზიდენტის, სერჟ სარქისიანის პრემიერ-მინისტრის თანამდბობაზე დანიშვნას აპროტესტებენ. მანამდე აქციის ხელმძღვანელმა, დეპუტატმა ნიკოლ პაშინიანმა თავის მხარდამჭერებთან ერთად ეცადა შეეღწია პარლამენტის შენობაში, თუმცა პოლიციამ ეს მცდელობა შეაჩერა. ურთიერთშეკატებისას რამდენიმე ადამიანი დაშავდა.
აქციის ლიდერის, ოპოზიციონერი დეპუტატის ნიკოლ პაშინიანის თქმით, პოლიციის განყოფილებაში 30-მდე მისი მხარდამჭერია დაკავებული.
