თარიღი    დრო

ფოფხაძეს ჭორაობასა და ცილისწამებას ურჩევნია საქმე აკეთოს, რაშიც ის ხელფასს იღებს - სოფო კილაძე

საქართველო, თბილისი - 12:55 04.16.2018 416

გედევან ფოფხაძე არის ცილისმწამებელი კაცი, ჭორაობასა და ცილისწამებას ურჩევნია საქმე აკეთოს, რაშიც ის ხელფასს იღებს, - ამის შესახებ პარლამენტის ადამიანის უფლებათა დაცვის კომიტეტის თავმჯდომარე სოფიო კილაძემ მისი პირველი მოადგილის გედევან ფოფხაძის ბრალდებასთან დაკავშირებით განაცხადა, რომელიც ფაქსიმილეს გაყალბებას ეხება.

კილაძე ფოფხაძის ბრალდებებს უარყოფს და ამბობს, რომ ის რაზეც ფოფხაძე საუბრობს, მხოლოდ ცილისწამებაა.

მისივე თქმით, მას ფაქსიმილეს გაყალებება არ შეეძლო, რადგან ქვეყანაში ფიზიკურად არ იმყოფებოდა.

"ვიყავი ჩინეთში და თუ ჩინეთიდან შეიძლება ფაქსიმილეს გაყალბება, მაშინ კი ბატონო, დანაშაული ჩამიდენია. გარდა ამისა, იურისტმა კაცმა უნდა იცოდეს, რომ თუ დანაშაულს ჰქონდა ადგილი და ის ამას ფარავდა, თავად უნდა მიეცეს პასუხისგებაში. მაშინ გედის პასუხისმგებლობაზეც ვიფიქროთ”, - განაცხადა სოფიო კილაძემ.

ცნობისთვის, გედევან ფოფხაძემ ტელეკომპანია "იმედის" ეთერში განაცხადა, რომ მივლინებაში ყოფნის დროს, სოფო კილაძემ ნებართვის გარეშე მისი ფაქსიმილე გამოიყენა.

"მე ვერ გავიგე ეს რატომ გააკეთა და აღარ მაინტერესებდა ამ ადამიანთან ურთიერთობა. მოვიკითხე, ვთქვი "ხალხო ამას რატომ აკეთებს ეს ადამიანი?", ეს ხომ სისხლის სამართლის დანაშაულია", - განაცხადა გედევან ფოფხაძემ ტელეკომპანია "იმედის" ეთერში.




Tavdacva

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 86.2%
შემცირდა 11.1%
არ შეცვლილა 2.7%