საფრანგეთის პრეზიდენტი აცხადებს, რომ სარაკეტო დარტყმები არ ნიშნავს ომის გამოცხადებას.
BFM-ის პირდაპირ ეთერში საფრანგეთის პრეზიდენტმა, ემანუელ მაკრონმა განაცხადა, რომ აშშ-ს, დიდი ბრიტანეთის და საფრანგეთის სარაკეტო დარტყმებს სირიაში მსხვერპლი არ მოჰყოლია.
მისი თქმით, ამ სამხედრო ოპერაციას ჰქონდა „ქიმიური იარაღის განადგურების“ მიზანი.
საფრანგეთის პრეზიდენტმა ხაზი გაუსვა, რომ „ეს დარტყმა არ ნიშნავს სირიაში ომის გამოცხადებას. დარტყმები სირიაში იყო კანონიერი და შაბათს ჩატარებული ოპერაცია იყო წარმატებული“.
ის არ დათანხმდა ჟურნალისტების აზრს რომ ოპერაცია იყო ომის აქტი.
„ჩვენ არ გამოგვიცხადებია ომი. ოპერაცია არ დასრულებულა მსხვერპლით. ის ჩატარდა საერთაშორისო სამართლის წესების დაცვით“
ცნობისთვის, ოპერაციის შედეგად განადგურდა სამი ობიექტი, სადაც იწარმოებოდა და ინახებოდა ქიმიური იარაღი.