TAV Construction ევროპის ერთ-ერთი ყველაზე დატვირთული აეროპორტის ამსტერდამის სხიპოლის ახალ, დამატებით ტერმინალს ააშენებს. პროექტის მიხედვით ახალი ტერმინალის საერთო ფართობი 55 000 მ2 იქნება. ტერმინალს, რომელიც შენგენის ზონის მგზავრებს მოემსახურება, 8 ჩასხდომის ხიდი ექნება. სხიპოლის ახალი ტერმინალის მშენებლობა 2019 წელს დასრულდება.
TAV Construction TAV Holding-ის შვილობილი კომპანიაა, რომელიც 2003 წლიდან მსოფლიოს მასშტაბით საერთაშორისო აეროპორტებს და ცნობილ ნაგებობებს აპროექტებს და აშენებს. TAV Construction-ის მიერ განხორციელებული პროექტების საერთო ღირებულება 19 მილიარდ დოლარზე მეტია. TAV Construction 2014-2016 წლებში აეროპორტების მშენებელ საუკეთესო კომპანიად დასახელდა.
