პრეზიდენტი, დონალდ ტრამპი აშშ-ს ჯარების სირიიდან დაუყონებლივ გაყვანას მოითხოვს, როგორც კი სამხედრო ოპერაცია, ტერორისტების დაჯგუფების წინააღმდეგ "ისლამური სახელმწიფო" დასრულდება. ამის შესახებ თეთრი სახლის პრესმდივანმა, სარა სანდერსმა განაცხადა.
"აშშ-ს მისია არ შეცვლილა - პრეზიდენტმა ძალზე ზუსტად განაცხადა, რომ სურს, აშშ-ს ჯარები მაქსიმალურად მოკლე დროში დაბრუნდნენ სახლში ", - ციტირებს სააგენტო "Reuters"-ი.
"ჩვენ მტკიცედ გვაქვს გადაწყვეტილი, მთლიანად ჩავახშოთ "ისლამური სახელმწიფო" და შევქმნათ პირობები, რომელიც არ დაუშვებს მათ დაბრუნებას. გარდა ამისა, ჩვენ ველით, რომ ჩვენი რეგიონალური მოკავშირეები და პარტნიორები აიღებენ დამატებითი სამხედრო და ფინანსური ვალდებულებას, რათა უზრუნველყონ რეგიონის უსაფრთხოება" - დასძინა სანდერსმა.
ცნობისთვის, მარტის ბოლოს, ტრამპმა განაცხადა, "ისლამური სახელმწიფოს" წინააღმდეგ სამხედრო ოპერაციის დასრულებისთანავე აშშ-ს სამხედროების დარჩენას სირიაში აზრი არ აქვს და ამერიკა ძალიან მალე გავა არაბული ქვეყნიდან. ხოლო მოგვიანებით, აპრილში, გაეროში აშშ-ს მუდმივმა წარმომადგენელმა ნიკი ჰეილიმ განაცხადა რომ აშშ არ დატოვებს სირიას, ვიდრე ყველა თავის ამოცანას არ შეასრულებს.