ხობში ავტომანქანა გზის სავალი ნაწილიდან გადავიდა, ბოძს შეეჯახა და არხში გადავარდა. შემთხვევის შედეგად სამი ადამიანი დაშავდა, მათ შორის, ერთი მცირეწლოვანი. დაშავებულები ხობის საავადმყოფოში გადაიყვანეს.
არსებული ცნობით, მათ სიცოცხლეს საფრთხე არ ემუქრება.
როგორც „ჯი-ეიჩ-ენს“ შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 276-ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესების დარღვევას გულისხმობს.