თარიღი    დრო

არჩილ ტატუნაშვილის მამა პროკურატურაში დაიბარეს

საქართველო, თბილისი - 16:29 04.14.2018 174

ოკუპირებულ ტერიტორიაზე მოკლული არჩილ ტატუნაშვილის მამა, გივი ტატუნაშვილი მცხეთის პროკურატურაშია დაბარებული.

ტატუნაშვილი ძალოვან უწყებაში 16 აპრილს, 10:00 საათზე გამოცხადდება.

როგორც „ჯი-ეიჩ-ენს“ „ადამიანის უფლებათა ცენტრის“ დირექტორის მოადგილემ, თამარ ავალიანმა განუცხადა, ტატუნაშვილი პროკურატურაში გამოძიების მიმდინარეობის შესახებ და შედეგებთან დაკავშირებით ინფორმაციის მისაღებადაა დაბარებული.

ავალიანის განმარტებით, ტატუნაშვილს პროკურატურიდან მას შემდეგ დაუკავშირდნენ, რაც „ადამიანის უფლებათა ცენტრმა“ განცხადება გაავრცელა.

შეგახსენებთ, რომ არჩილ ტატუნაშვილი 23 თებერვალს ოკუპირებულ ცხინვალში მოკლეს. 26 დღის შემდეგ, 20 მარტს, წითელი ჯვრის საერთაშორისო კომიტეტის მეშვეობით, ოკუპირებულმა ცხინვალმა არჩილ ტატუნაშვილის ცხედარი ოჯახს გადასცა. ცხედარს სამხარაულის სახელობის ექსპერტიზის ეროვნულ ბიუროში ექსპერტიზა ჩაუტარდა. 24 მარტს არჩილ ტატუნაშვილი მუხათგვერდის ძმათა სასაფლაოზე სამხედრო პატივით დაკრძალეს.




konfliqtebi

ყველა სიახლის ნახვა...

sazogadoeba

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 84.5%
შემცირდა 12.5%
არ შეცვლილა 3%