იუსტიციის უმაღლესი საბჭოს წევრად თამარ ონიანი აირჩიეს. მოსამართლეთა კონფერენციაზე მყოფმა 253-მა მოსამართლემ თამარ ონიანს დაუჭირა მხარი. მისმა კონკურენტმა შალვა კაკაურიძემ კი, 20 ხმა მიიღო.
ცნობისთვის, მოსამართლეთა კონფერენციაზე, იუსტიციის უმაღლესი საბჭოს წევრობის კანდიდატებად მოსამართლეებმა თამარ ონიანი და შალვა კაკაურიძე დაასახელეს.
იუსტიციის უმაღლეს საბჭოში ერთი ადგილი ვაკანტური მას შემდეგ გახდა, რაც ლევან თევზაძე საბჭოს წევრობისთვის შეუთავსებელ თანამდებობაზე გამწესდა. ის თბილისის სააპელაციო სასამართლოში სისხლის სამართლის საქმეთა პალატის თავმჯდომარე გახდა.
