საფრანგეთის სამხრეთ ნაწილში მომხდარი ტერაქტული თავდასხმის შედეგად, ოთხი ადამიანი გარდაიცვალა. მათ შორის პოლიციის ოფიცერი, ხოლო დაჭრილია 16.
ცნობისთის, გუშინ საფრანგეთის სამხრეთით, ოდის დეპარტამენტის ტრების კომუნაში, შეიარაღებული მამაკაცი სუპერმარკეტ Super U-ში შეიჭრა და მძევლები აიყვანა. თავდამსხმელი იქნა ლიკვიდირებული პოლიციის სპეცოპერაციის შედეგად. საფრანგეთის შსს-ს მონაცემებით ის მაროკოს მოქალაქე აღმოჩნდა.
გარდა ამისა, მიყენებული ჭრილობებისგან გარდაიცვალა 45 წლის პოლიციის ოფიცერი, რომელმაც საკუთარი თავი მძევლების სანაცვლოდ გაცვალა. მომხდართან დაკავშირებით დაწყებულია გამოძიება ტერორისტული თავდასხმის კუთხით.
„ჩვენმა ქვეყანამ განიცადა ისლამისტური თავდასხმა“ - განაცხადა მომხდარ ფაქტთან დაკავშირებით საფრანგეთის პრეზიდენტმა ემანუელ მაკრონმა.