ავიაკომპანია Pobeda Airlines-ი, რომელიც Aeroflot-ის ჯგუფში შედის, სასამართლოს გზით ცდილობს მოსკოვი-ბათუმის მიმართულებაზე ოპერირების ნებართვა მოითხოვოს.

ავიაკომპანიამ მოსკოვის საარბიტრაჟო სასამართლოს სარეჩელით ჯერ კიდევ 12 მარტს მიმართა. ავიაკომპანიის მოპასუხედ როსავიაცია გამოდის, რომელიც ავიაკომპანიებს საერთაშორისო რეისებზე ფრენების ნებართვას აძლევს.

როგორც საქმის მასალებიდან ირკვევა, Pobeda Airlines-მა როსავიაციას მოსკოვი-ბათუმის მიმართულებაზე ფრენების დაწყების ნებართვა სთხოვა, რაზეც უარი მიიღო. ამ მარშრუტზე ფრენების ნებართვას უკვე ფლობდა ავიაკომპანია Red Wings-ი.

Pobeda Airlines-მა როსავიაციამ გადაწყვეტილების გადახედვა სთხოვა, თუმცა ისევ უარი მიიღო.

ამ ფონზე Aeroflot-ის „შვილობილი“ ავიაკომპანია სასამართლოს გზით როსავიაციისგან ბათუმის მიმართულებით ფრენის ნებართვების გადახედვას, Red Wings-სთვის ნებართვის ჩამორთმევას და მისთვის გადაცემას ითხოვს.

სასამართლო პროცესი 12 აპრილისთვისაა ჩანიშნული.