საფრანგეთის სამართალდამცავი ორგანოების თანამშრომლებმა შტურმი განახორციელეს სუპერმარკეტზე. მამაკაცი, რომელმაც საფრანგეთის სამხრეთით, ოდის დეპარტამენტის ტრების კომუნაში მდებარე სუპერმარკეტში მძევლები აიყვანა, ლიკვიდირებულია. ფაქტი საფრანგეთის შინაგან საქმეთა სამინისტრომ დაადასტურა.
ცნობისთვის შეიარაღებული მამაკაცი სუპერმარკეტ Super U-ში შეიჭრა და მძევლები აიყვანა. მამაკაცმა თავი „ისლამური სახელმწიფოს“ მომხრედ გამოაცხადა. გარდაცვლილია სამი ადამიანი. ამის შესახებ ტელარხი BFMTV პროკურატურაზე დაყრდნობით იტყობინება.
