კრიმინალური პოლიციის ყოფილი უფროსის, ზაზა ბაქრაძის ადვოკატის, ზაზა შანავას განცხადებით, მას შემდეგ, რაც დაცვის მხარე ბაქრაძის დაკითხვას დაასრულებს, ისინი სასამართლოს მიმართავენ შუამდგომლობით აღკვეთის ღონისძიების შეცვლასთან დაკავშირებით.
„მას შემდეგ რაც დაცვის მხარე ზაზა ბაქრაძეს დავკითხავთ, დავაყენებთ შუამდგომლობას. ეს პირველ რიგში, აღკვეთის ღონისძიების შეცვლას შეეხება. საუბარია, 5 ათას ლარზე, თუმცა სასამართლო რას გადაწყვეტს, ეს მისი პრეროგატივაა. საპროცესო შეთანხმებაზე საუბარი დღის წესრიგში ჯერ არ დგას. თუმცა, გამორიცხვით არაფრის გამორიცხვა არ შემიძლია. მოდი, დაველოდოთ ბაქრაძის დაკითხვას და შემდეგ გავაკეთებ ყველაფერთან დაკავშირებით კომენტარს“ - განაცხადა ადვოკატმა.