ლონდონს სურს დაარწმუნოს ევროპული პარტნიორები, რათა გაიწვიონ რუსი დიპლომატები. იტყობინება Bloomberg-ი.
დიდი ბრიტანეთის პრემიერ-მინისტრს, ტერეზა მეის სურს, ევროკავშირის წევრმა ქვეყნებმაც ასევე დაადანაშაულონ მოსკოვი, ყოფილი პოლკოვნიკის სერგეი სკრიპალის და მისი ქალიშვილის მოწამვლაში. ამისათვის წყაროს ცნობით, ბრიტანეთი თავის მოკავშირეებს გაუზიარებს საიდუმლო დაზვერვის მონაცემებს.
გარდა ამისა, პრემიერ-მინისტრი იმედოვნებს, რომ პარტნიორებს დაარწმუნებს, რუსეთის ხელისუფლების წინააღმდეგ კრიტიკის გაძლიერების აუცილებლობაში.
ტერეზა მეიმ ევროკავშირის სამიტის მონაწილეებთან ვახშამზე განაცხადა, რომ „პრობლემა რუსეთთან იქნება წლების განმავლობაში“ ხოლო მოსკოვი წარმოადგენს საფრთხეს მთელი ევროპისთვის.
ბრიტანელმა ჩინოვნიკებმა განაცხადეს, რომ "მსოფლიომ და მათ შორის ევროკავშირმაც უნდა აჩვენოს რუსეთს, რომ მომწამლავი ნივთიერების გამოყენების პირველი შემთხვევა ევროპაში არ დარჩება დაუსჯელი“ - იტყობინება სააგენტო.