გორთან ავტოსაგზაო შემთხვევა მოხდა.
შემთხვევის შედეგად ფოთის საფეხბურთო კლუბის ,,კოლხეთი 1913“ 5 ფეხბურთელი დაშავდა, ხოლო მძღოლი ადგილზე დაიღუპა.
ფეხბურთელები სასწრაფო დახმარების ბრიგადამ კლინიკაში გადაიყვანა.
ექიმების განცხადებით, მათ მსუბუქი დაზიანებები აქვთ მიღებული და ერთი ფეხბურთელის გარდა, 4-ვე დაშავებული დღესვე გაეწერება.
არსებული ინფორმაციით, ავტომანქანა, რომლითაც ფეხბურთელები მგზავრობდნენ, ბორდიურს შეეჯახა.
შსს-ს ცნობით, მომხდარზე გამოძიება საქართველოს სისხლის სამართლის კოდექსის 276-ე მუხლის მეხუთე ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ადამიანის სიცოცხლის მოსპობა.
