22 მარტი წყლის რესურსების დაცვის საერთაშორისო დღეა და წელს იგი 25-ედ აღინიშნება. წლევანდელი თემაა “ბუნება და წყალი“, რომელიც ეძღვნება ბუნებრივი ფაქტორების გამოყენებას 21-ე საუკუნის წყლის პრობლემების დასაძლევად.
წყლის რესურსების დაცვის საერთაშორისო დღის აღსანიშნავად, „საქართველოს მწვანეთა მოძრაობა/დედამიწის მეგობრები-საქართველოს“ ინიციატივით, კამპანიების „დავასუფთაოთ საქართველო“ და ,,ლურჯი ნაკადული“-ს ფარგლებში, ქვეყნის მთელ ტერიტორიაზე ტარდება დასუფთავების აქციები,რომელიც პერმანენტულად იმართება 2010 წლიდან და ის პროექტის „დავასუფთოათ საქართველო ფაზა III“ ფარგლებში მიმდინარეობს.
აქციის ფარგლებში თბილისში დასუფთავდება ლისის ტბის მიმდებარე ტერიტორია (ახალ იპოდრომთან).
აქციის დასაწყისი: 11 : 00 საათი
შეკრების ადგილი: სპორტის სასახლის მიმდებარე ტერიტორია 10:00 - 10:30 საათი.
რეგიონებში, ადგილობრივ მთავრობასთან თანამშრომლობის ფარგლებში, 22 მარტიდან ერთი კვირის განმავლობაში ჩატარდება დასუფთავების აქციები, რომელსაც ორგანიზებას გაუწევენ „საქართველოს მწვანეთა მოძრაობა/დედამიწის მეგობრები-საქართველოს“ ადგილობრივი კოორდინატორები. აქციების მიზანია დასუფთავდეს რეგიონებში არსებული ხევების და მდინარეების სანაპირო ზოლები.
პროექტი - „დავასუფთაოთ საქართველო-ფაზა III“ ხორციელდება არასამთავრობო ორგანიზაციათა კონსორციუმის – ,,საქართველოს მწვანეთა მოძრაობა/დედამიწის მეგობრები საქართველო“, საქართველოს ბუნების მკვლევართა კავშირი „ორქისი“ და „ეკოლოგიური ცნობიერების ამაღლება და ნარჩენების მართვა“ მიერ. პროექტი ხორციელდება შვედეთის მთავრობის ფინანსური უზრუნველყოფით, გარემოს დაცვისა და სოფლის მეურნეობის სამინისტროს მხარდაჭერით.