26 ადამიანი გარდაიცვალა ქაბულში განხორციელებული ტერაქტის შედეგად, ხოლო 18 ადამიანმა მიიღო სხეულის სხვადასხვა დაზიანებები. ნათქვამია ავღანეთის შინაგან საქმეთა სამინისტროს უწყების განცხადებაში.
მანამდე ვრცელდებოდა ინფორმაცია სამი დაღუპულის და 10 დაჭრილის შესახებ.
აფეთქება მოხდა დღეს, ქაბულის უნივერსიტეტთან, როცა ავღანეთის მოსახლეობა გაზაფხულის დადგომის და ახალი წლის დღესასწაულს აღნიშნავდა. სავარაუდოდ ასაფეთქებელი მოწყობილობა მოქმედებაში თვითმკვლელმა ტერორისტმა მოიყვანა.