აშშ-ს პრეზიდენტი, დონალდ ტრამპი ნარკოტიკების გავრცელების წინააღმდეგ ბრძოლის ფარგლებში, სიკვდილით დასჯას განიხილავს. ინფორმაციას Politico ავრცელებს თეთრ სახლზე დაყრდნობით.
„იუსტიციის სამინისტრო შეეცდება შემოიღოს სიკვდილით დასჯა ნარკომოვაჭრეთა მიმართ“ - განაცხადა თეთრ სახლში შიდა პოლიტიკის მრჩეველთა საბჭოს დირექტორმა ენდრიუ მრემბერგმა.
თეთრი სახლი ასევე აღნიშნავს, რომ გეგმა რომელიც ტრამპმა შესთავაზა, ითვალისწინებს რეცეპტების რაოდენობის შემცირებას ოპიოიდულ პრეპარატებზე. მისივე თქმით, 2016 წელს 64 ათასზე მეტი ადამიანი დაიღუპა ნარკოტიკების გადაჭარბებული დოზით გამოყენების გამო.
გავრცელდა ინფორმაცია, რომ ამ გეგმის შესახებ პრეზიდენტი განცხადებას დღეს გააკეთებს.
ცნობისთვის, 2017 წლის დეკემბერში ტრამპმა მხარი დაუჭირა ფილიპინების პრეზიდენტის, როდრიგო დუტერტეს კამპანიას ნარკოტიკებთან ბრძოლის წინააღმდეგ. „მან მე მისურვა წარმატებები ამ კამპანიაში და მითხრა, რომ ჩვენ როგორც სუვერენული სახელმწიფოები სწორი გზით მივდივართ“ - განაცხადა დუტერტემ. ბოლო რამდენიმე თვის მანძილზე ნარკოტიკებთან ბრძოლის წინაააღმდეგ ამუშავებული კამპანიის ფარგლებში ფილიპინებში სიკვდილით დასაჯეს 3 ათასზე მეტი ადამიანი.