რამდენიმე წუთში, თბილისის სააპელაციო სასამართლოში სალომე ტატიშვილის საქმის განხილავს მოსამართლეთა კლეგია დაიწყებს. ბრალდების მხარემ სააპელაციო სასამართლოში, თბილისის საქალაქო სასამართლოს მიერ, გიორგი ლიპარტელიანის მიმართ გამოტანილი გამამტყუნებელი განაჩენი გაასაჩივრა.
როგორც ჟურნალისტებთან გარდაცვლილი გოგონას დედა, ნინო ჟვანია აცხადებს, ის სასამართლოსგან გამამართლებელი განაჩენის გაუქმებას მოითხოვს.
„ჩვენ გავასაჩივრეთ საქალაქო სასამართლოს მიერ გამოტანილი გამამართლებელი განაჩენი გიორგი ლიპარტელიანის მიმართ, რომელიც ჩემს შვილს, სალომეს გუდაურში დაეჯახა და ის მიყენებული დაზიანებებით ადგილზე გარდაიცვალა. მეორე ინსტანციამ პირველი ინსტანციის გამამართლებელი განაჩენი აუცილებლად უნდა შეცვალოს, ვინაიდან ეს არის საშიში განაჩენი, რომელიც ძალიან სერიოზულ საფრთხეებს შეიცავს. ეს ფაქტობრივად გაუფრთხილებლობით ჩადენილი დანაშაულის დეკრიმინალიზაციას ახდენს. მინდა მჯეროდეს, რომ სააპელაციო სასამართლო, გიორგი ლიპარტელიანის მიმართ, გამამტყუნებელ გაანაჩენს გამოიტანს. ბესიკ ბუგიანიშვილის მიერ გამოტანილი განაჩენი არის აბსურდული და უსაფუძვლო. ფაქტობრივად მოსამართლე გვეუბნება, რომ თუ სამთო კურორტზე სხვისი უპასუხისმგებლობით, ან დაუდევარი საქციელით ადამიანი დაშავდება, ამაში საკუთარი თავი უნდა დავიდანაშაულოთ. ბუგიანიშვილი თავის განაჩენში ვერ უარყოფს იმ ფაქტს, რომ ლიპარტელიანი თავის გზაზე მოსრიალე სალომე ტატიშვილს ზურგის მხრიდან შეეჯახა“ - განაცხადა ნინო ჟვანიამ.
პარალელურად სასამართლოს ეზოში ტატიშვილის ოჯახის წევრების და ნათესავების აქცია მიმდინარეობს.
რაც შეეხება გავრცელებულ ინფორმაციას რომ პირველი ინსტანციის გამამართლებელი განაჩენის შემდეგ გიორგი ლიპარტელიანმა საქართველო დატოვა, ჟვანია ამასთან დაკავშირებით ინფორმაციას არ ფლობს და აცხადებს, რომ აღშნიშნუილის შესახებ მან ჟურნალისტებისგან შიტყო.
ცნობისთვის, 12 წლის სალომე ტატიშვილს 2016 წლის 10 იანვარს გუდაურში, სრიალისას, თხილამურებზე მდგომი 18 წლის გიორგი ლიპარტელიანი დაეჯახა. მოზარდი სიცოცხლისთვის შეუთავსებელი ტრავმებით ადგილზე გარდაიცვალა, თავად ლიპარტელიანმა კი, მსუბუქი დაზიანებები მიიღო. ტატიშვილის გაურთხილებლობით სიცოცხლის მოსპობაში ბრალდებული, ლიპარტელიანი 2017 წლის 29 დეკემბერს თბილისის საქალაქო სასამართლომ უდანაშაულოდ ცნო. აღნიშნული გადაწყვეტილება მოსამართლე ბესიკ ბუგიანიშვილმა მიიღო.