14 მიგრანტის ცხედარი იქნა აღმოჩენილი საბერძნეთში, კუნძულ აგატონისთან ახლოს, ეგეოსის ზღვაში, სადაც ხის ნავი ჩაიძირა. ინფორმაციას საბერძნეთის ტელეარხები ავრცელებენ.
მანამდე ცნობილი გახდა, რომ ინცინდენტის გამო 6 ადამიანი დაიღუპა, მათ შორის ოთხი მცირეწლოვანი ბავშვია. სულ ნავზე 21 ადამიანი იმყოფებოდა. სანაპიროზე გამოსვლა მხოლოდ სამმა შეძლო.
ამ მომენტისთვის ტრაგედიის ადგილზე სამძებრო-სამაშველო ოპერაციები მიმდინარეობს.