ლონდონს მიეცემა დრო, რათა დაასრულოს სანკტ-პეტერბურგში გენერალური საკონსულოს მუშაობა. აცხადებს რუსეთის საგარეო საქმეთა სამინისტრო.
ასევე ნათქვამია, რომ „სანკტ-პეტერბურგში დიდი ბრიტანეთის გენერალური საკონსულოს დახურვის ვადები განისაზღვრება საერთაშორისო სამართლის ნორმების ფარგლებში და ბრიტანულ მხარეს მიეცემა საჭირო დრო, რათა დაასრულოს მუშაობა დაწესებულებაში“.
სანკტ-პეტერბურგში გენერალური საკონსულომ თავისი მუშაობა 1992 წელს დაიწყო და ჩართული იყო ჩრდილო-დასავლეთ რეგიონში ურთიერთობების განვითარებისთვის.
შეგახსენებთ, რომ დღეს მოსკოვმა ლონდონს უპასუხა და პერსონა ნონ გრატად გამოაცხადა ბრიტანეთის საელჩოს 23 დიპლომატი.