მსოფლიოში ერთ-ერთი ყველაზე ცნობილი ჰაკერი, ადრიან ლამო, რომელმაც ხელი შეუწყო Wikileaks-თან თანამშრომლობისთვის აშშ-ს სამხედრო პირის, ბრედლი მენინგის დაპატიმრებას (სქესის შეცვლის შემდგომ, ჩელსი მენინგომი), 37 წლის ასაკში გარდაიცვალა. წერს BBC.
მისი გარდაცვალების მიზეზებზე არ საუბრობენ. ის იყო იშვიათი ნიჭის ჰაკერი, რომელმაც შეძლო გაეტეხა ისეთი კორპორაციის ქსელები როგორიცაა Yahoo, Citigroup, Bank of America. მან ასევე მოახერხა შეეღწია The New York Times-ის კომიუტერულ სისტემაში. საბოლოოდ ეს საქციელი ნახევარი წლით შიდა პატიმრობით დასრულდა.
თუმცა, საყოველთაოდ ცნობილი ის 2010 წელს გახდა. მან აშშ-ს მთავრობას აცნობა, რომ სამხედრო პირმა, ბრედლი მენინგმა WikiLeaks-ს სხვა დოკუმენტებთან ერთად გადასცა ერაყში ამერიკული სამხედრო ვერტმფრენით განხორციელებული მშვიდობიანი მოსახლეობის დახვრეტის ჩანაწერი. შედეგად შვიდი ადამიანი იყო დაღუპული. მათ შორის ერთი სააგენტო „Reuters“-ის ჟურნალისტი. ბრედლი მენინგი ამის შესახებ ლამოს მიმოწერაში გამოუტყდა. რის შემდეგაც ის დააპატიმრეს.
2011 წელს მიცემულ ინტერვიუში ლამომ განაცხადა, რომ მისთვის მტკივნეული იქნებოდა, თუკი მენინგს დიდი ხნით გაასამართლებდნენ. სასამართლომ მას 35 წლით თავისუფელბის აღკვეთა მიუსაჯა. თუმცა პრეზიდენტმა ბარაკ ობამამ, მოგვიანებით მას სასჯელი შეუმსუბუქა და 2017 წლის მაისში ის გაათავისუფლეს და ცდილობს გახდეს მერილენდის შტატის სენატორი.