დღეს, 14 მარტს, 14:00 საათზე, ზემო და ქვემო სვანეთის, რაჭისა და ლეჩხუმის, ხევისა და მთიულეთის ადგილობრივი მოსახლეობის ორგანიზებით, „მდინარეთა დაცვის საერთაშორისო დღესთან“ დაკავშირებით გაიმართება აქცია საქართველოში დაუსაბუთებელი და დიდი ზიანის მომტანი ჰესების მასობრივი მშენებლობის წინააღმდეგ.
აქცია დაიწყება „აზიის განვითარებისა და ევროპის საინვესტიციო ბანკების“ ოფისების განთავსების ადგილას (გალაკტიონ ტაბიძის №1), შემდგომში კი, მსვლელობით გადაინაცვლებს სახელწმიფო კანცელარიის, საქართველოს პარლამენტის შესასვლელისა და ევროპის რეკონსტრუქციისა და განვითარების ბანკის მიმართულებით.
აქციას მხარს უჭერენ და მონაწილეობას მიიღებენ გარემოსდაცვისა და ადამიანის უფლებების სფეროში მოქმედი საზოგადოებრივი ორგანიზაციების წარმომადგენლები და ექსპერტები („მწვანე ალტერნატივა“, „დემოკრატიის ინსტიტუტი“, ენერგოეფექტურობის ფონდი“, ლაშა ჩხარტიშვილი, დავით გულბანი, ვახტანგ ზარქუა“ და სხვები).