ეს განცხადება არის პირდაპირი შედეგი საქართველოს ხელისუფლების მაამებლური და უპრინციპო პოლიტიკისა, რომელსაც ის ატარებს ბოლო 5 წელია, რომელსაც ის ატარებს რუსეთის ფედერაციის მიმართ, - ამის შესახებ „ ნაციონალური მოძრაობის“ დეპუტატმა თინა ბოკუჩავამ რუსეთის საგარეო საქმეთა სამინისტროს განცხადებასთან დაკავშირებით აღნიშნა.
მისი თქმით, საქართველოს ხელისუფლების არასწორ ნაბიჯებს ცხადია შემდგომ მოჰყვება სწორედ ისეთი დამცინავი განცხადებები, როგორიც რუსეთის ფედერაციის მხრიდან მოვისმინეთ.
"როდესაც პრემიერ მინისტრისგან ვისმენთ მოღალატეობრივ განცხადებებს, როდესაც მათი მინისტრები პუტინს არ ცნობენ მტრად, როდესაც არ ისჯებიან ადამიანები, რომლებიც კლავენ ჩვენს მოქალაქეებს საოკუპაციო ზოლს მიღმა და ამის შესახებ ხელისუფლებას არ სურს მიიღოს პრინციპული და ქმედითი განცხადებები და რეზოლუციები პარლამენტში. ამ ნაბიჯებს ცხადია შემდგომ მოჰყვება სწორედ ისეთი დამცინავი განცხადებები, როგორიც მოვისმინეთ რუსეთის ფედერაციის მხრიდან", - განაცხადა ბოკუჩავამ.
