ამერიკული კომპანია „SpaceX“-ის ხელმძღვანელი, ილონ მასკი აცხადებს, რომ მარსზე და მთვარეზე კოსმოსური ხომალდის მშენებლობა დაეხმარება კაცობრიობას გადარჩეს, იმ შემთხვევაში თუკი დაიწყება მესამე მსოფლიო ომი.
ტეხასში, ფესტივალ SXSW-ზე გამოსვლისას მან განაცხადა, რომ „არის რამდენიმე ალბათობა“, იმისა რომ მალე დედამიწაზე შესაძლოა კიდევ ერთხელ დადგეს „შუა საუკუნეები, განსაკუთრებით თუკი მოხდება მესამე მსოფლიო ომი“.
„ჩვენ გვინდა დარწმუნებულები ვიყოთ იმაში, რომ სადღაც სხვა ადგილზე იქნება საკმარისი ნიმუშები კაცობრიობის ცივილიზაციის, რათა მოხდეს მისი აღდგენა. სწორედ ამიტომ, მე ვფიქრობ, რომ მნიშვნელოვანია გვქონდეს თვითუზრუნველყოფაზე მომუშავე სადგური. ამისთვის იდეალური ვარიანტია მარსი. იმიტომ, რომ მარსი საკმაოდ შორსაა დედამიწისგან და უფრო დიდია შესაძლებლობა ომის შემთხვევაში ბაზა გადარჩეს, ეს შანსი მთვარის ბაზაზე უფრო ნაკლებადაა" - წერს რია ნოვოსტი მასკის ციტირებისას.
მან ხაზი გაუსვა, რომ მარსზე და მთვარეზე ბაზა უნდა შეიქმნას „შესაძლო მესამე მსოფლიო ომამდე“.
შეგახსენებთ, რომ ილონ მასკმა ოსტინის ტექნოლოგიის ბაზარზე, ტეხასის შტატში, განაცხადა, რომ პირველი საცდელი ხომალდის ფრენა, რომელიც მარსის ათვისებისთვისაა გათვლილი, 2019 წელსა დაიგეგმა.