აჭარის მთავრობის თავმჯდომარე ლევან ვარშალომიძე KFჭ-ს საქართველოს ზონის კურატორს, ბანკის მენეჯერს სანდრა ხანუშს, ბანკის ტექნიკური საკითხების მენეჯერს თომას ვულფსა და KFჭ-ს თბილისის ოფისის ხელმძღვანელს შეხვდა.
შეხვედრაზე უცხოელ ექსპერტებს ბათუმში მიმდინარე წყლისა და კანალიზაციის სისტემის რეაბილიტაციის სამუშაოების ანგარიში წარუდგინეს. საუბარი შეეხო მესამე ეტაპის დაფინასებასაც.
გერმანიის განვითარებისა და რეკონსტრუქციის ბანკის წარმომადგენლების განცხადებით, ჩატარებული სამუშაოებით კმაყოფილი არიან და მესამე ეტაპისთვის 35 მილიონ ევროს, სავარაუდოდ, წლის ბოლომდე გამოყოფენ. ბათუმის წყლისა და კანალიზაციის სისტემის რეაბილიტაციის პირველი და მეორე ეტაპი პარალელურად მიმდინარეობს. პროექტის მიხედვით, მიწისქვეშა კომუნიკაციის მოსაწესრიგებლად სულ 100 მილიონ ევროზე მეტი დაიხარჯება.
