სექტემბრიდან საჯარო სკოლების მე-12 კლასის მოსწავლეებს საშუალება ექნებათ ერთი დღის განმავლობაში ეკონომიკისა და მდგრადი განვითარების მინისტრის პოსტი დაიკავონ. აღნიშნული ინიციატივის შესახებ დღეს განცახდება ეკონომიკისა და მდგრადი განვითარების მინისტრმა ვერა ქობალიამ გააკეთა, რომლის განცხადებითაც მე-12 კლასელებს ქვეყნის ნებისმიერი რეგიონიდან საშუალება ექნებათ პროექტში "მინისტრი ერთი დღით" მიიღონ მონაწილეობა.
მსურველებს საბუთებისა და განცხადებების გამოგზავნა ეკონომიკისა და მდგრადი განვითარების სამინისტროში 15 სექტენბრამდე შეუძლიათ, ხოლო სექტემბრის ბოლომდე მოხდება მე-12 კლასელების შერჩევა და გამარჯვებული ერთი დღის განმავლობაში მინისტრის პოსტრს დაიკავებს.
ქობალიას განცახდებით, მოსწავლეებმა უნდა გაწერონ და დაასაბუთონ, თუ რას გააკთებენ ამ დღის განმავლობაში, როგორ გადაჭრიან პრობლემებსა და როგორ იმუშავებენ ქვეყნის ეკონომიკურ განვითარებაზე.
"მათ საშუალება ექნებათ მინისტრის კაბინეტი დაიკავონ და მოიქცნენ ისე, როგორც მინისტრი მოიქცეოდა და იმედი მაქვს, რომ მე იმ ერთი დღის განმავლობაში მოადგილედ მაინც ამიყვანენ", - განაცხადა ქობალიამ.
მისივე განმარტებით, ამ ერთი დღის განმავლოაბში მოსწავლეს არ ექნება ოფიციალურ ბრძანებულებებზე და განკარგულებებზე ხელის მოწერის უფლება, თუმცა ექნება საშაულება ყველა იმ შეხვედრას დაესწროს და იმ საქმებში მიიღოს მონაწილეობა, რაც ეკონომიკისა დ მდგრადი განვითარების მინისტრის უფლებამოვალეობაა.
