იუსტიციის მინისტრი თეა წულუკიანი შესაძლოა, „ქართული ოცნების“ საპრეზიდენტო კანდიდატი გახდეს, - ამის შესახებ ინფორმაციას "რუსთავი 2" ავრცელებს.
ტელეკომპანიის ინფორმაციით, მმართველი პარტიიდან სანდო წყარომ „კურიერს“ განუცხადა, რომ წულუკიანის კანდიდატურა გუნდის შიგნით აქტიურად განიხილება.
ამავე წყაროს განცხადებით, თეა წულუკიანის საპრეზიდენტო კანდიდატად დასახელებას ბიძინა ივანიშვილი ემხრობა.
"ქართულ ოცნებაში" ამბობენ, რომ თუ პოლიტსაბჭო მიიღებს გადაწყვეტილებას და თეა წულუკიანს პრეზიდენტობის კანდიდატად წარადგენს, ისინი მზად არიან, რომ მას მხარი დაუჭირონ.